ចែករំលែកនៅលើ
ហេតុអ្វីបានជាវិនិយោគ
ការរើកចម្រើន
យោងតាមរបាយការណ៍ឆ្នាំ២០២១ ខេត្តព្រះសីហនុមានផលិតផលក្នុងស្រុកសរុប (ផ.ស.ស) សម្រាប់មនុស្សម្នាក់ៗចំនួន ៤,៨៥៧ ដុល្លារអាម៉េរិក ហើយបានទាក់ទាញការវិនិយោគដោយផ្ទាល់ពីបរទេស (FDI) សរុបចំនួន ៤៨.៤ ពាន់លានដុល្លារអាម៉េរិក។
៤,៤៨៥
ដុល្លារអាម៉េរិក
នៃ ផ.ស.ស សម្រាប់មនុស្សម្នាក់ៗក្នុងខេត្តព្រះសីហនុ(២០២១)
៤៨.៤ ពាន់លានដុល្លារអាម៉េរិក
នៃការវិនិយោគផ្ទាល់ពីបរទេស (FDI)
(ក្នុងខេត្តព្រះសីហនុ)
៣.៣៦ ពាន់លាន
ដុល្លារអាម៉េរិក
គុណសម្បត្តិស្នូលនៃការវិនិយោគក្នុងខេត្តព្រះសីហនុ
១
ទីតាំងយុទ្ធសាស្រ្ត
កំពង់ផែទឹកជ្រៅ៖ ចូលទៅកាន់ផ្លូវពាណិជ្ជកម្មអន្តរជាតិតាមរយៈកំពង់ផែស្វយ័តក្រុងព្រះសីហនុ។
មជ្ឈមណ្ឌលសេដ្ឋកិច្ចក្នុងតំបន់៖ នៅជិតទីផ្សារធំៗក្នុងតំបន់ដូចជា ប្រទេសថៃ វៀតណាម និងចិន។
ការតភ្ជាប់ការដឹកជញ្ជូនដ៏ល្អ៖ ទទួលបានអត្ថប្រយោជន៍ពីអាកាសយានដ្ឋានអន្តរជាតិខេត្តព្រះសីហនុដែលមានស្រាប់, រួមជាមួយនឹងអាកាសយានដ្ឋានអេកូទេសចរណ៍អន្តរជាតិកោះរ៉ុងថ្មីដែលកំពុងសាងសង់, ផ្លូវដែកភាគខាងជើងដ៏រឹងមាំប្រវែង ២៦៤ គីឡូម៉ែត្រតភ្ជាប់រាជធានីរបស់កម្ពុជាទៅកាន់ខេត្តព្រះសីហនុ, និងផ្លូវល្បឿនលឿនដែលបានរចនាយ៉ាងល្អជាមួយនឹងច្រកចេញជាច្រើនតភ្ជាប់មជ្ឈមណ្ឌលឧស្សាហកម្មសំខាន់ៗ និងតំបន់កំពង់ផែ, ធានាបាននូវការឆ្លងកាត់យ៉ាងរលូនចូលទៅកាន់ទូទាំងតំបន់។
២
កំណើនសេដ្ឋកិច្ច និងការអភិវឌ្ឍ
ការអភិវឌ្ឍហេដ្ឋារចនាសម្ព័ន្ធ៖ រាជរដ្ឋាភិបាលនឹងចូលរួមពង្រីកអាកាសយានដ្ឋានអន្តរជាតិខេត្តព្រះសីហនុជាមួយនឹងស្ថានីយថ្មី ដើម្បីស្វាគមន៍កំណើននៃចំនួនអ្នកដំណើរដែលមកដល់ និងបង្កើនការតភ្ជាប់ក្នុងតំបន់, អភិវឌ្ឍផ្លូវសំខាន់ៗតភ្ជាប់ទៅកាន់តំបន់កំពង់ផែ, រៀបចំកំពង់ផែស្វយ័តក្រុងព្រះសីហនុដើម្បីអាចផ្ទុកបាន ៤,០០០ TEUs ជាមួយនឹងផែនការពង្រីករហូតដល់ ១៥,០០០ TEUs ក្នុងរយៈពេលវែង និងធ្វើទំនើបកម្មផ្លូវដែកដែលមានស្រាប់ ដើម្បីគាំទ្រដល់ការបង្កើនសមត្ថភាព និងប្រសិទ្ធភាព។
មជ្ឈមណ្ឌលទេសចរណ៍៖ ខេត្តព្រះសីហនុមានឆ្នេរសមុទ្រដ៏ស្រស់បំព្រងប្រវែង ១៤៩ គីឡូម៉ែត្រ និងកោះដ៏ស្រស់ស្អាតចំនួន ៣១, ទាក់ទាញការវិនិយោគ និងចំនួនភ្ញៀវទេសចរកាន់តែច្រើនឡើងៗ។ ការអភិវឌ្ឍគួរឱ្យកត់សម្គាល់រួមមាន Novotel Sihanoukville Holiday Resort, Six Senses Krabey Island, Song Saa Private Island, The Royal Sands Koh Rong, និង Bay of Light ដែលធ្វើឱ្យខេត្តនេះក្លាយជាគោលដៅទេសចរណ៍សំខាន់។
កំណើនឧស្សាហកម្ម៖ ខេត្តព្រះសីហនុមានមូលដ្ឋានឧស្សាហកម្មដ៏រឹងមាំជាមួយនឹងតំបន់សេដ្ឋកិច្ចពិសេសចំនួន១១, ក្នុងនោះមានតំបន់សេដ្ឋកិច្ចពិសេសក្រុងព្រះសីហនុ ដែលមានក្រុមហ៊ុនអន្តរជាតិជាង១៧០ នៅក្នុងវិស័យផ្សេងៗគ្នា។
៣
គោលនយោបាយលើកទឹកចិត្ត
រាជរដ្ឋាភិបាលបាននិងកំពុងរៀបចំក្របខ័ណ្ឌគោលនយោបាយពិសេស "គោលនយោបាយលើកទឹកចិត្តមូលដ្ឋាន ១ + គោលនយោបាយសម្រាប់វិស័យជាក់លាក់ ១ + គោលនយោបាយសម្រាប់តំបន់ជាក់លាក់ N" ដែលនឹងចូលរួមជំរុញការអភិវឌ្ឍក្នុងខេត្តព្រះសីហនុ។
-គោលនយោបាយលើកទឹកចិត្តមូលដ្ឋាន ១ សំដៅលើគោលនយោបាយលើកទឹកចិត្តដែលមានស្រាប់ រួមមានច្បាប់ស្តីពីវិនិយោគ, កម្មវិធីពិសេសជំរុញការវិនិយោគក្នុងខេត្តព្រះសីហនុ, ច្បាប់ស្តីពីភាពជាដៃគូរវាងរដ្ឋនិងឯកជន , និងគោលនយោបាយលើកទឹកចិត្តផ្សេងៗទៀត។
-គោលនយោបាយសម្រាប់វិស័យជាក់លាក់ ១ សំដៅលើការរៀបចំគោលនយោបាយលើកទឹកចិត្តពិសេសទាំងផ្នែកពន្ធ និងមិនមែនពន្ធ (កម្មវិធីទាក់ទាញអ្នកមានជំនាញ, ការពន្លឿន និងសម្របសម្រួលអនុលោមភាព) ដើម្បីទាក់ទាញវិស័យជាក់លាក់រួមមាន កសិឧស្សាហកម្ម ទេសចរណ៍ កម្មន្តសាលកម្រិតខ្ពស់ និងវិស័យសំខាន់ៗផ្សេងទៀត។
-គោលនយោបាយសម្រាប់តំបន់ជាក់លាក់ N សំដៅលើការរៀបចំគោលនយោបាយលើកទឹកចិត្តពិសេសបន្ថែមសម្រាប់ការអភិវឌ្ឍតំបន់ជាក់លាក់ដូចជា តំបន់ពាណិជ្ជកម្មសេរី តំបន់ទេសចរណ៍ មណ្ឌលហិរញ្ញវត្ថុ តំបន់បច្ចេកវិទ្យាខ្ពស់។
៤
កម្លាំងពលកម្ម និងការងារ
កម្លាំងពលកម្មដែលមានប្រាក់ឈ្នួលសមរម្យ៖ អត្រាប្រាក់ឈ្នួលមានភាពប្រកួតប្រជែងបើប្រៀបធៀបទៅនឹងប្រទេសជិតខាង។
កម្លាំងពលកម្មដែលមានជំនាញ៖ ខេត្តព្រះសីហនុ ប្តេជ្ញាអភិវឌ្ឍកម្លាំងពលកម្មដែលមានភាពរួចរាល់សម្រាប់ពេលអនាគត តាមរយៈការបណ្តុះបណ្តាលវិជ្ជាជីវៈប្រកបដោយភាពច្នៃប្រឌិត, សាកលវិទ្យាល័យថ្មីៗ និងគោលនយោបាយក្នុងការទាក់ទាញទេពកោសល្យបរទេស។ តាមរយៈការជំរុញផ្នែកវិទ្យាសាស្រ្ត និងការច្នៃប្រឌិតបច្ចេកវិទ្យា, ខេត្តព្រះសីហនុកំពុងត្រៀមខ្លួនក្នុងការបណ្តុះបណ្តាល និងបង្កើនជំនាញដល់និយោជិតឱ្យទៅជាអ្នកជំនាញបច្ចេកវិទ្យាខ្ពស់ជំនាន់ថ្មី។
ចំនួនយុវជន៖ ជាមួយនឹង ៧២%នៃចំនួនប្រជាជនដែលមានអាយុចាប់ពី ១៥ - ៥៩ឆ្នាំ, ខេត្តព្រះសីហនុមានកម្លាំងពលកម្មយ៉ាងស្វាហាប់ និងស្វះស្វែងដែលត្រៀមខ្លួនរួចជាស្រេចក្នុងការជំរុញកំណើនសេដ្ឋកិច្ច និងនវានុវត្តន៍។
៥
ភាពជោគជ័យ
ការវិនិយោគអន្តរជាតិ៖ តំបន់សេដ្ឋកិច្ចពិសេសទាំងអស់មានចំនួន១១ នៅក្នុងខេត្តព្រះសីហនុរួមទាំងទុនវិនិយោគសរុបជាង ៨១៧លានដុល្លារអាម៉េរិក។ លើសពីនេះខេត្តខ្លួនឯងក៏បានទាក់ទាញអ្នកវិនិយោគអន្តរជាតិដូចជា AEON Logi Plus, Accor Group - Novotel Sihanoukville Holiday Resort, Canopy Sand Development - Bay of Light Project, VINCI Airport - Sihanouk International Airport ។ល។
ភាពជោគជ័យក្នុងស្រុក៖ ខេត្តព្រះសីហនុកំពុងមើលឃើញពីការកើនឡើងនៃអាជីវកម្មខ្នាតតូចដែលជំរុញដោយការវិនិយោគអន្តរជាតិ។ ការបង្កើតតំបន់សេដ្ឋកិច្ចពិសេស (SEZs) បានបង្កើតការងារជាង ៣០,០០០ និងបានទាក់ទាញរលកនៃអ្នករស់នៅថ្មី ដែលបង្កើតជាបរិយាកាសអាជីវកម្មដ៏រស់រវើកនៅក្នុងខេត្ត។
សក្ខីកម្ម៖ វិនិយោគិនកំពុងពង្រីកអាជីវកម្មរបស់ពួកគេកាន់តែខ្លាំងឡើងនៅក្នុងខេត្តព្រះសីហនុ។ ជាឧទាហរណ៍ បរិយាកាសវិនិយោគអំណោយផលបានជំរុញឱ្យតំបន់សេដ្ឋកិច្ចពិសេសក្រុងព្រះសីហនុ បង្កើតតំបន់បន្ថែមក្នុងខេត្ត ដោយបង្ហាញពីសក្ដានុពលនៃកំណើនរបស់ខ្លួន។
៦
អត្ថប្រយោជន៍នៃការរស់នៅ
ការរស់នៅតាមឆ្នេរសមុទ្រ៖ ឆ្នេរស្អាត រីសត និងបរិក្ខារទំនើបៗ។
ការពង្រីកសហគមន៍ជនបរទេស៖ ខេត្តព្រះសីហនុផ្តល់ជូននូវសាលាអន្តរជាតិលំដាប់ខ្ពស់ ការថែទាំសុខភាព និងការកម្សាន្ត ដែលធ្វើឱ្យខេត្តនេះក្លាយជាជម្រើសដ៏គួរឱ្យទាក់ទាញសម្រាប់ជនបរទេស និងជាគោលដៅចូលនិវត្តន៍ដ៏សំខាន់។ លើសពីនេះ គម្រោងលំនៅឋានចូលនិវត្តន៍ពិសេសទាំងនៅតាមឆ្នេរសមុទ្រ និងនៅលើកោះដែលបំពេញតម្រូវការរបៀបរស់នៅចម្រុះ។
ការរស់នៅដែលមានតម្លៃសមរម្យ៖ ខេត្តព្រះសីហនុផ្តល់នូវការចំណាយទាបទៅលើការរស់នៅ បើធៀបនឹងទីក្រុងធំៗនៅងតំបន់អាស៊ីអាគ្នេយ៍, ដែលធ្វើឱ្យខេត្តព្រះសីហនុក្លាយជាជម្រើសដ៏ទាក់ទាញសម្រាប់អ្នករស់នៅ និងអាជីវកម្មដែលបង្កើតតុល្យភាពដ៏ល្អឥតខ្ចោះរវាងតម្លៃសមរម្យ និងការរស់នៅសម្បូរបែប។
