ការអភិវឌ្ឍ និងប្រែក្លាយខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណងគឺជាយុទ្ធសាស្ត្រអភិវឌ្ឍន៍ជាតិមួយសំដៅសម្រេចបាននូវ “បរិវត្តកម្មថ្មី” និង “ប្រាក់ចំណូលខ្ពស់”។ ត្រឹមឆ្នាំ២០៤០ រាជរដ្ឋា​ភិបាលកម្ពុជា គ្រោងនឹងអភិវឌ្ឍខេត្តព្រះសីហនុទៅជា​ ទី១)- ច្រកទ្វារ​អន្តរជាតិរបស់កម្ពុជា ទី២)- ប៉ូលអភិវឌ្ឍន៍ជាតិ និងទី៣)- ទីក្រុងធំមួយនៅក្នុងតំបន់​អាស៊ាន។ ក្នុងរយះពេល ១៥ឆ្នាំ ខេត្តព្រះសីហនុត្រូវបានរំពឹងថានឹងមានប្រជាជនរស់នៅចំនួនប្រមាណ ១ លាននាក់ និងបង្កើតផលិតផលក្នុងស្រុកសរុបប្រចាំឆ្នាំចំនួនប្រមាណ ១៣,៦ ប៊ីលានដុល្លារអាម៉េរិក, ខេត្តព្រះសីហនុនឹងក្លាយជាទីប្រជុំជនធំជាងគេលំដាប់ទី២ បន្ទាប់ពីរាជធានីភ្នំពេញនិងជារដ្ឋបាលថ្នាក់ក្រោមជាតិលំដាប់ទី៣ ដែលមាន​ទំហំសេដ្ឋកិច្ចនិងចំនួនប្រជាជន បន្ទាប់ពីរាជធានីភ្នំពេញនិងខេត្តកណ្តាល។
កាន់តែពិសេសទៅទៀតនោះ ក្រុមប្រឹក្សារៀបចំ និងអនុវត្តផែនការមេ អភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង និងអភិវឌ្ឍបណ្តាខេត្តជាប់ឆ្នេរសមុទ្រកម្ពុជា ជារបៀងសេដ្ឋកិច្ចពិសេសពហុបំណង និងប្រទាក់ក្រឡា​ “ក.ផ.ព.ឆ” ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលមានឧបនាយករដ្ឋមន្ត្រី និងរដ្ឋមន្ត្រីក្រសួងពាក់ព័ន្ធជាង២០រូបជាសមាជិក។